նախընտրելի դարձնելԼոռու մարզի Նովոսելցովո գյուղի 20-ամյա բնակիչ Վ. Դավոյանը դատարանի առջեւ է կանգնել ծառայակցին ծեծելու եւ նրա նկատմամբ սպանության փորձ կատարելու համար:
Նա լինելով թիվ N զորամասի զինծառայող,վիճաբանության մեջ է մտել մարտական դիրքում հերթապահության մեջ ընդգրկված ժամկետային զինծառայող շարքային Մանուկ Ղազարյանի հետ,որի ընթացքում վերջինիս կողմից իրեն հայհոյելու համար ձեռքով մեկ անգամ հարվածել է նրա դեմքին եւ նույպես հայհոյել,ապա վրեժ լուծելու շարժառիթով,սպանություն կատարելու դիտավորությամբ ցանկացել է կյանքից զրկել Մ.Ղազարյանին,սակայն ավարտին չի հասցրել իր գործողությունը:
Վ. Դավոյանին մեղադրանք է առաջադրվել ՔՕ 34 հադվածով` Հանցափորձ է համարվում ուղղակի դիտավորությամբ կատարված այն գործողությունը (անգործությունը), որն անմիջականորեն ուղղված է հանցանք կատարելուն, եթե հանցագործությունն ավարտին չի հասցվել անձի կամքից անկախ հանգամանքներով եւ 104 հոդվածի 1-ին մասով` Սպանությունը՝ ապօրինաբար մեկ ուրիշին դիտավորությամբ կյանքից զրկելը, որը պատժվում է ազատազրկմամբ՝ ութից տասնհինգ տարի ժամկետով:
Նրա նկատմամբ որպես խափանման միջոց է ընտրվել կալանավորումը:
