նախընտրելի դարձնելԱդրբեջանում խանութների վաճառասեղաններից անհետացել են ոգելից խմիչքները
Ինչպես հայտնում է haqqin.az-ը, առեւտրի այն կետերը, որոնք մասնագիտացած են ոգելից խմիչքի վաճառքի վրա, պարզապես փակվում են:
Պատճառն այն է, որ խանութներին հիմա պարտավորեցրել են օղին, գինին ու նաեւ գարեջուրը անկանխիկ հաշվարկով վաճառեն:
Դրա հետեւանքով Բաքվում օղին, գինին ու գարեջուրը սկսել են նորից գաղտնի վաճառել եւ բնականաբար բարձր գներով:
Ինչպես պատմել է ոգելից խմիչքի խանութի վաճառողներից մեկը՝ ոգելից խմիչքն անկանխիկ հաշվարկով վաճառելն իրենց պարզապես ձեռնտու չէ:
Նրա խոսքով, ոչ բոլոր մարդիկ պլաստիկ քարտեր ունեն, բացի դրանից բանկը գանձում է ոգելից խմիչքի վաճառքի եկամտի 4 տոկոսը, ու հարկը հասնում է 10 տոկոսի, ինչը հավասար է խանութների գրեթե ամբողջ եկամուտին:
