ՆախընտրելիՀՀ տարածքային կառավարման եւ արտակարգ իրավիճակների նախարարությունը տեղեկացնում է, որ հունվարի 26-ի ժամը 09:00-ի դրությամբ ՀՀ տարածքում կան փակ եւ դժվարանցանելի ավտոճանապարհներ:
Փակ են Սոթք-Քարվաճառ, Բերդ-Ճամբարակ, Վերին Գետաշեն-Մադինա, Մաստարա-Լանջիկ, Լանջառ-Լուսաշող, Շիրակի մարզի Լանջիկ, Մանթաշ, Ջաջուռ, Շիրակ, Կապս, Ամասիա, Ցողամարգ, Բավրա, Ղոչի աղբյուր գյուղական համայնքներ տանող ավտոճանապարհները, Արարատի մարզի միջհամայնքային ավտոճանապարհները, Վարդենյաց լեռնանցքը եւ Տիգրանաշենի ոլորանները: Արտաշավան-Աշտարակ ավտոճանապարհը փակ է բեռնատար ավտոմեքենաների համար:
Դժվարանցանելի է Հրազդան-Ջրառատ, Հրազդանի տարածաշրջանի ավտոճանապարհները, Դիլիջանի ոլորանները, Սարավան-Ջերմուկ ավտոճանապարհը եւ Լոռու. Սյունիքի, ինչպես նաեւ Արագածոտնի մարզի միջհամայնքային ավտոճանապարհները:
Արարատի մարզի Վեդի, Լոռու մարզի Սպիտակ քաղաքներում, Տավուշի մարզի Դիլիջանի տարածաշրջանում, Սյունիքի (բացի Գորիսից եւ Մեղրիից) մարզում, Արագածոտնի մարզի Աշտարակ քաղաքում, առկա են տեղումներ ձյան տեսքով: Շիրակի մարզի Աշոցքի եւ Ամասիայի տարածաշրջանում բուք է:
Իջեւան-Դիլիջան ավտոճանապարհին, Դիլիջանի ոլորաններին, Գեղարքունիքի մարզի ավտոճանապարհներին տեղ-տեղ առկա է մերկասառույց:
ՀՀ Վայոց ձորի մարզում՝ Արենի-Խաչիկ ավտոճանապարհի 8-9-րդ կիլոմետրի հատվածում, իրականացվում են ճանապարհահատվածի մաքրման աշխատանքներ, ինչի հետեւանքով նշված ավտոճանապարհը երթեւեկելի է միակողմանի:
ՃՇՇ աշխատակիցներն իրականացնում են ճանապարհների մաքրման եւ մշակման աշխատանքներ:
ՀՀ ՏԿԱԻ նախարարությունը վարորդներին խորհուրդ է տալիս վերոնշյալ ճանապարհահատվածներով երթեւեկել միայն խիստ անհրաժեշտության դեպքում` ձմեռային անվադողերով:
Ի կատարումն ՀՀ ՏԿԱԻ նախարարի հրամանի՝ նախարարության բոլոր հերթապահ ստորաբաժանումները 2015 թ.-ի դեկտեմբերի 25-ից իրենց ծառայությունն իրականացնում են ուժեղացված ռեժիմով:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար:
