ԱՄՆ-ում՝ Օքլահոմա Սիթիից հարավ-արեւելք Walmart առեւտրի համալիրի կայանատեղիում տասնյակ հազարավոր մեղուներ գրոհել են մարդկանց վրա, փոխանցում է AP-ն, երեք տուժածներ հոսպիտալացվել են:

Պատահարը տեղի է ունեցել անցած շաբաթ օրը: Տեղական իշխանությունների գնահատականներով՝  կայանատեղի է թռչել 30-ից 60 հազար մեղու: Մեղուների գրոհի հետեւանքով 2 մարդ ծանր վիճակում հիվանդանոց է տեղափոխվել, եւս մեկն աննշան վնասվածքներ է ստացել, սակայն նրան եւս տեղափոխել են հիվանդանոց:

Իրավապահ մարմինների տվյալներով՝ միջատները փախել էին երեք փեթակներից: Արդյունքում բեղվաբույծներին հաջողվել է բոլոր միջատներին հավաքել: