նախընտրելի դարձնել
Մեծ Բրիտանիայի լուսանկարիչների թագավորական միությունը Քեմբրիջի դքսուհուն արժանացրել է իր շարքերը համալրելու պատվին: Քեյթ Միդլթոնը ընտանեկան լուսանկարների եւ ճանապարհորդությունների ժամանակ արած լուսանկարների համար դարձել է միության պատվավոր անդամ, հայտնում է BBC-ն:
Միության գործադիր տնօրեն Մայքլ Փրիթչարդը բարձր է գնահատել դքսուհու տաղանդն ու էնտուզիազմը:
Երբ 2015-ին լույս աշխարհ եկավ Քեյթի եւ Ուիլյամի դուստրը, դքսուհին ինքն արեց արքայադուստր Շարլոտի առաջին պաշտոնական լուսանկարը:
Քեյթի ավելի վաղ լուսանկարների շարքում են Կինաբալու լեռան նկարը, օրանգուտանգի սեւ-սպիտակ լուսանկարը, որոնք նա արել էր 2012-ին ամուսնու հետ ճանապարհորդելիս:
