նախընտրելի դարձնելՃապոնիայում մարտի 17-ին, երկրի պատմության մեջ առաջին անգամ քաղաքացիական պաշտպանության ուսումնավարժանքներ են իրականացվել՝ ԿԺԴՀ կողմից հրթիռային հնարավոր գրոհի հետ կապված, հաղորդում է ՏԱՍՍ գործակալությունը:
Միջոցառման նպատակը՝ բնակչության տարհանման իրականացումն է՝ ժամանակի ծայրահեղ սղության պարագայում:
Ըստ սցենարի՝ Ճապոնիայի զինված ուժերն արձանագրել են պայմանական հակառակորդի կողմից հրթիռների արձակումը Օգու հրվանդանի եւ Ակիտա պրեֆեկտուրայի ուղղությամբ: Այդ մասին տեղեկատվությունը փոխանցվել է կառավարական արտակարգ կապի միջոցով, եւ պրեֆեկտուրայի իշխանություններն օպերատիվ կերպով տարհանել են բնակչությանը, որին կարող էր վտանգ սպառնալ:
Տարհանման մասին հաղորդումները փոխանցվել են բարձրախոսներով եւ ուղարկվել են բնակչության սմարթֆոններին: Ուսումնավարժանքի մասնակիցները շատ արագ լքել են տներն ու թաքնվել շենքերի նկուղներում:
