Անկարան քաղաքական դրդապատճառներ է նկատել ԱՄՆ-ում թուրք բանկիրի ձերբակալության մեջ։ ԱՄՆ-ում թուրք բարձրաստիճան բանկիրի ձերբակալությունը, որին մեղադրում են Իրանի դեմ պատժամիջոցների խախտմանն ուղղված բազմամյա սխեմայի մեջ, «բացառապես քաղաքական» քայլ է։ Այս մասին հայտարարել է Թուրքիայի արդարադատության նախարար Բեքիր Բոզդաղը, հաղորդում է «Ամերիկայի ձայն»-ը։

Halkbank բանկի գլխավոր տնօրեն Մեհմետ Հաքանին մեղադրում են ոսկու վաճառքով զբաղվող Ռեզա Զարաբի հետ դավադրության մեջ։ Վերջինը թուրքական ու իրանական քաղաքացիություն ունի։ Նրա նկատմամբ արդեն դատական պարզաբանում է ընթանում։