նախընտրելի դարձնելՀՀ ԳՆ սննդամթերքի անվտանգության պետական ծառայությունը նախաձեռնել է սննդամթերքի անվտանգության բոլոր չափանիշներին համապատասխանող մսի իրացման կետերի գործունեությունը խրախուսելու միջոցառումներ: Այսուհետեւ մսի այն վաճառակետերին, որոնք կապահովեն անասնաբուժական եւ սանիտարահիգիենիկ բոլոր սահմանված չափանիշները, կտրվեն համապատասխան տեղեկատվական պիտակներ, ինչը նաեւ հանրության իրազեկման նոր մշակույթ է Հայաստանում:
Նկարներ ստիկերներ
Ապրիլի 14-ին առաջին անգամ Ծառայության մասնագետների կողմից փակցվեցին տեղեկատվական պիտակներ Երեւանում գործող անհատ ձեռնարկատերեր Սոս Իսրայելյանի Խորենացի 60 եւ Ազիզ Շաբաբյանի Խորենացի 64 հասցեներում գտնվող խանութների դիմապակիներին:
Երկու խանութի նկարները
Դրանք կիրազեկեն հանրությանն այն մասին, որ Երեւան քաղաքում գործող այս երկու խանութներն արդեն համապատասխանում են ՀՀ օրենսդրությամբ սահմանված պահանջներին. պահպանված են սանիտարահիգիենիկ բոլոր նորմերը, ապահովված են բավարար քանակությամբ բնական եւ արհեստական օդափոխությամբ ու լուսավորությամբ, լվացարաններով, նորոգ եւ հարթ մակերեսով պատերով եւ հատակով, սառնարաններով, մսի մշակման կոճղերով ու տախտակներով եւ այլն, իսկ սրահի աշխատակիցներից յուրաքանչյուրն ունի իր նախնական եւ պարբերական բուժզննությունը փաստող սանիտարական գրքույկ:
Տեղեկատվական այդ պիտակների առակայությունը նաեւ փաստում է, որ տվյալ խանութում վաճառվող միսը ընդունվում է միայն անասնաբուժական ուղեկցող փաստաթղթի առկայությամբ, ենթարկվում է պարտադիր անասնաբուժասանիտարական փորձաքննության եւ՝ որ դրա անվտանգությունը երաշխավորված է:
Պիտակները տրամադրվում են տնտեսավարողների դիմումի հիման վրա՝ Ծառայության կողմից իրականացված վերահսկողական գործողությունների արդյունքում եւ ձեւավորված մասնագիտական հանձնաժողովի որոշմամբ, եռամսյա ժամկետով: Պարբերաբար իրականացվող պետական վերահսկողության շրջանակներում՝ ժամկետը կարող է փոփոխվել:
