նախընտրելի դարձնել
ՀՀ աշխատանքի եւ սոցիալական հարցերի նախարար Արտեմ Ասատրյանը սոցապնախարարի նախկին տեղակալ Ֆիլարետ Բերիկյանի՝ նախաքննական ցուցմունքում արած հայտարարությունը, թե Բյուրեղվանի գիշերօթիկում տեղի ունեցած չարաշահումների մասին բարձրաձայնած ծնողներին գտնելն ու պատժելը եղել է իր հրամանը, մտավարժանք է անվանեում. «Տարբեր մտավարժանքներին ճիշտն ասած պատասխանելու ցանկություն չունեմ»,-ասաց նա՝ չցանկանալով պատասխանել NEWS.am-ի հարցին:
Բյուրեղավանի գիշերօթիկ դպրոցի ծնողների եւ նրանց երեխաների շահերը պաշտպանող Տիգրան Հայրապետյանը NEWS.am-ի հետ զրույցում ասել էր, որ գործի նյութերով պարզվել է, որ Արտեմ Ասատրյանն է Բերիկյանին հրաման տվել, որ գնա, պարզի, թե ով է դպրոցի խնդիրները բարձրաձայնած նամակի հեղինակը: Փաստաբանի խոսքով, այդ մասին հայտարարել է հենց Բերիկյանն՝ իր նախաքննական ցուցմունքում:
Հիշեցնենք, որ 2014թ.-ին Բյուրեղավանի գիշերօթիկ դպրոցի սաները, նրանց ծնողներն ու մի խումբ աշխատակիցներ բաց նամակով դիմել էին իշխանություններին՝ հայտնելով, որ իրենց նկատմամբ ճնշումներ են գործադրվում, իսկ տնօրեն Գայանե Մարգարյանն էլ չարաշահումներ է թույլ տվել: Դեռ այդ ժամանակ Բերիկյանը հանդիպել էր դպրոցի սաների, ծնողների ու կոլեկտիվի հետ եւ փորձել պարզել, թե ովքեր են նամակի հեղինակները:
Հետաքրքիր է, որ գործ հարուցվեց միայն չարաշահումների փաստի առթիվ: Այսօր ամբաստանյալի աթոռին է հայտնվել դպրոցի արդեն նախկին տնօրեն Գայանե Մարգարյանը: Ֆիլարետ Բերիկյանի մասով եւս քրգործ է հարուցվել:
