նախընտրելի դարձնել
Կոմիտասում գտնվող «Ամերիաբանկ»-ում քիչ առաջ արտակարգ դեպք է տեղի ունեցել։ NEWS.am–ին հայտնի էր դարձել, որ հաճախորդի եւ բանկի կառավարչի միջեւ վիճաբանությունն ավարտվել է զենքի գործադրմամբ։
Ըստ նախնական տեղեկությունների՝ հաճախորդը ցանկացել է հոր բանկոմատի քարտը վերցնել բանկից, սակայն չեն տվել՝ պահանջելով, որ ներկայանա այն անձը, որի անվամբ է քարտը։ Երիտասարդը սկսել է վիճել, ինչի հետեւանքով բանկի կառավարիչը նրան դուրս է հրավիրել՝ «զրույցը» շարունակելու, բանը հասել է ձեռնամարտի։ Վիճաբանության ժամանակ հաճախորդը իր մոտ եղած ատրճանակով սպառնացել է բանկի կառավարչին, ապա հարվածել գլխին։ Բանկից ահազանգել են իրավապահներին, որոնք վնասազերծել են երիտասարդին։
Դեպքի վերաբերյալ ոստիկանությունից մեզ հետ զրույցում հայտնել են, որ երիտասարդը այս պահին ոստիկանությունում է։ Հանգամանքները պարզվում են։
