Ճանապարհային ոստիկանությունը տեղեկացնում է, որ շարունակվում են երթեւեկության վերահսկողության, իրավախախտումների արձանագրման տեսախցիկների եւ արագաչափ սարքերի տեղադրման աշխատանքները:

Մասնավորապես, 2017 թվականի հուլիսի 10-ից գործարկվելու են հետեւյալ վայրերում տեղադրված արագաչափ սարքերը.

- Արմավիրի մարզի Ջրարբի համայնքի վարչական տարածք («Արաքս» թռչնաֆաբրիկայի հարակից ճանապարհահատված)՝ 1 արագաչափ՝ երկու ուղղություններով, որտեղ երթեւեկության թույլատրելի արագությունը 60 կմ/ժ է:

- Արմավիր քաղաքի վարչական տարածք (Երեւան քաղաքից դեպի Արմավիր քաղաք մուտքի ճանապարհահատված)՝ 2 արագաչափ, յուրաքանչյուրը մեկ ուղղությամբ, որտեղ երթեւեկության թույլատրելի արագությունը 60 կմ/ժ է:

- Արարատի մարզի Մարմարաշեն համայնքի վարչական տարածք (Ա.Բարությանի անվան միջնակարգ դպրոցի հարակից ճանապարհահատված)՝ 1 արագաչափ՝ երկու ուղղություններով, որտեղ երթեւեկության թույլատրելի արագությունը 50 կմ/ժ է:

- Արարատի մարզի Ջրահովիտ համայնքի վարչական տարածք՝ 1 արագաչափ՝ երկու ուղղություններով, որտեղ երթեւեկության թույլատրելի արագությունը 60 կմ/ժ է:

Ճանապարհային ոստիկանությունը հորդորում է վարորդներին պահպանել ճանապարհային երթեւեկության կանոնները: