նախընտրելի դարձնելՀՀ Տավուշի մարզի սահմանամերձ համայնքների 23 երեխա (այդ թվում՝ մարզի ՀՀ ԱԻՆ ՓԾ քաղաքացիական պաշտպանության ստորաբաժանումների աշխատակիցների ընտանիքների 12 անդամ), հանգսիտը կանցկացնի Խորվաթիայի Նովի Վինոդոլկսի քաղաքում գտնվող Կարմիր խաչի ճամբարում:
Հայաստանի ԱԻՆ-ից NEWS.am-ին հայտնում են, որ այս գիշեր նրանք Երեւանից մեկնել են Խորվաթիա եւ այնտեղ կմնան մեկ շաբաթ:
Հրավիրող կազմակերպությունը Խորվաթիայի Կարմիր խաչի Զագրեբի մասնաճյուղն է։ Երեխաների հանգիստը կազմակերպվել է ՀՀ ՊՆ «Հումանիտար ականազերծման եւ փորձագիտական կենտրոն» ՊՈԱԿ-ի եւ Խորվաթիայի Ականազերծման կենտրոնի միջեւ համագործակցության արդյունքում։
Ուղեւորության բոլոր ծախսերը հոգացել է Խորվաթիայի մայրաքաղաք Զագրեբի քաղաքապետարանը, իսկ երեխաների օրապահիկն ապահովել ՀՀ ԱԻՆ համակարգի աշխատողների արհեստակցական կազմակերպությունը։ Երեխաներին Խորվաթիայում կուղեկցեն ՀՀ ՊՆ «Հումանիտար ականազերծման եւ փորձագիտական կենտրոն» ՊՈԱԿ-ի աշխատակիցները:
Երեխաները հիմնականում սոցիալապես անապահով ընտանիքներից են, ՀՀ Տավուշի մարզի 18 համայնքներից (Բերքաբեր, Ոսկեպար, Բաղանիս, Կոթի, Բարեկամավան, Ոսկեվան, Պառավաքար, Ներքին Կարմիրաղբյուր, Չինարի, Բերդ, Սարիգյուղ, Նոյեմբերյան, Դովեր, Բերդավան, Ազատամուտ, Այգեպար, Մովսես, Այգեձոր):
