նախընտրելի դարձնելՌուսաստանի կառավարությունը հավանություն է տվել Եվրասիական տնտեսական միության համաձայնագրի նախագիծը նույնական ապրանքանշման մասին, համապատասխան կարգադրությունը հրապարակվել է կառավարության կայքում հաղորդում է «ՌԻԱ Նովոստի»-ն։
«Կարգադրության ստորագրմամբ ռուսական կողմը հավանություն է տվել նույնական ապրանքանշման մասին ԵՏՄ համաձայնագրին»,-նշվում է փասթաթղթի տեղեկանքում։
Համաձայնագրի նպատակն է ապահովել ապրանքի օրինական շրջանառությունը ԵՏՄ շրջանակներում, պաշտպանել սպառողների իրավունքները եւ կանխել այն գործողությունները, որոնք սպառողներին կարող են մոլորության մեջ դնել: Համաձայնագիրը սահմանում է ԵՏՄ շրջանակներում նույնականացման միջոցներով ապրանքանշման համակարգի ընդհանուր կանոնները եւ հիմնարար մոտեցումներ են սահմանում:
Համաձայնագիրը նախատեսում է նաեւ Եվրասիական տնտեսական հանձնաժողովի եւ ԵՏՄ անդամ երկրների միջեւ միության շրջանակներում ապրանքների մակնշման միասնական համակարգ ստեղծելու համար լիազորությունների բաշխում: Կառավարությունը նշում է, որ համաձայնագիրը չի խոչընդոտի ուժի մեջ գտնվող ազգային ապրանքանշման համակարգերի գործունեությանը:
Տեղեկացվում է, որ համաձայնագրի ուժի մեջ մտնելուց հետո կհաստատվի ծանուցման ընթացակարգ, որը նախատեսում է ԵՏՄ անդամների համար միությունում շահավետ ուղղության ծանուցում ազգային ապրանքանշման կամ համատեղ ապրանքանշման առաջարկների համար։
Ռուսաստանի օրենսդրության համաձայն՝ ստորագրությունից հետո պայմանագիրը ենթակա է վավերացման, քանի որ այն պարունակում է կանոններ, որոնք տարբերվում են Ռուսաստանի օրենսդրությամբ սահմանված կարգից:
Անցյալ տարվա հոկտեմբերին Ռուսաստանի վարչապետ Դմիտրի Մեդվեդեւը հայտարարել էր, որ պետք է արագացնել ԵՏՄ շրջանակներում տարբեր խմբերի ապրանքանշումը: Նրա կարծիքով՝ դա կբարելավի շուկան եւ կօգնի կեղծարարության դեմ պայքարելու համար:
