նախընտրելի դարձնելՌուսաստանի դեմ Արեւմուտքի սահմանած սահմանափակող միջոցառումները ընդմիշտ կմնան, կարծում է ՌԴ փոխվարչապետ Դմիտրի Ռոգոզինը:
«Պատժամիջոցները մեր հզորացմանը հին երդվյալ թշնամու արձագանքն է: Դրանք կհանվեն միայն այն դեպքում, եթե դարձյալ թույլ լինենք»,- ասել է նա «Կոմերսանտի» հետ հարցազրույցում:
ՌԴ փոխվարչապետի խոսքով՝ Ռուսաստանի համար պատժամիջոցները ազգային լավագույն հատկանիշների դրսեւորման հնարավորություն է:
Ի պատասխան հարցին՝ պատժամիջոցները չեն խանգարի՞ բանակի վերազինմանը, Ռոգոզինը պատասխանել է, որ «դժվարություններ» կան, սակայն միջոցառումներ են ընդունվել:
«Ստեղծվել է ռազմաարդյունաբերական համալիրի կոլեգիայի շտաբ, որի հիմնական խնդիրն է ներքին եւ արտաքին պատվիրատուներին ռազմական արտադրանքի մատակարարումների խափանումներ թույլ չտալը»,- ասել է փոխվարչապետը:
