«Ելք» դաշինքը Սերժ Սարգսյանի դեմ պայքար ծավալելու համար չունի ժողովրդի աջակցությունը։ Այդ մասին NEWS.am-ի հետ զրույցում ասել է ՀՀԿ խմբակցության քարտուղար Գագիկ Մելիքյանը։  Հիշեցնենք, որ «Ելք» դաշինքը քննարկում է Սերժ Սարգսյանի՝ վարչապետի պաշտոնում առաջադրվելու գործընթացը տապալելու հարցը։ Նիկոլ Փաշինյանը կողմնակից է Ազատության հրապարակ գործուղվելուն, իսկ մյուսները, որոշ տեղեկությունների համաձայն, կողմ չեն փողոցային պայքարին։ Մինչ դաշինքը որոշում կկայացնի, Նիկոլ Փաշինյանն իր ֆեյսբուքյան էջում  գրառում է կատարել, թե գործողությունների նախնական պլանը քննարկել է ընտանիքի անդամների հետ եւ պատրաստ են նրան գործուղել Ազատութան հրապարակ։

Մելիքյանն ասել է, որ անլուրջ է վերաբերում  Փաշինյանի հայտարարությանը։ «Անլուրջ եմ վերաբերվում, իհարկե,  ես համոզված եմ, որ ժողովուրդը չի միանա, անիմաստ հայտարարություններ են»  «Ելք»–ի թիկունքին ժողովուրդ չկա, կա այնքան, որքան իրենց քվեարկել են»,- նշել է նա։