նախընտրելի դարձնելՀՀ քննչական կոմիտեի Երեւան քաղաքի քննչական վարչության Մալաթիա-Սեբաստիա վարչական շրջանի քննչական բաժնում քննվող քրեական գործով ձեռնարկվում են անհրաժեշտ միջոցառումներ՝ «Երեւանի թիվ 1 տուն ինտերնատ» ՊՈԱԿ-ում կատարված հափշտակությունների դեպքի բոլոր հանգամանքները, առնչություն ունեցած անձանց ամբողջ շրջանակը բացահայտելու ուղղությամբ. մեղադրանք է առաջադրվել 4 անձի:
«Երեւանի թիվ 1 տուն ինտերնատ» ՊՈԱԿ-ում կատարված չարաշահումների դեպք առթիվ հարուցված քրեական գործը ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնում ստացվել եւ վարույթ է ընդունվել 2018թ. փետրվարի 2-ին, մշակվել է քննչական պլան եւ ձեռնարկված քննչական եւ դատավարական այլ գործողությունների արդյունքում պարզվել են դեպքի մի շարք հանգամանքներ, մեխանիզմը, կատարված հափշտակություններին մասնակցություն ունեցած 4 անձի ինքնություն:
Մասնավորապես՝ նախնական քննությամբ փաստական տվյալներ են ձեռք բերվել, որ 2017թ. նոյեմբեր-դեկտեմբեր ընկած ժամանակահատվածում, «Երեւանի թիվ 1 տուն ինտերնատ» ՊՈԱԿ-ում առկա ազատ հաստիքներում ձեւականորեն ձեւակերպվել են տարբեր անձինք, ովքեր աշխատանքի չեն ներկայացել, սակայն նրանց հաշվարկվել եւ փոխանցվել են աշխատավարձեր, ինչը կանխիկացվել է եւ տնօրինվել է այլ անձանց կողմից։
Ձեռք բերված բավարար ապացույցների հիման վրա 4 անձի մեղադրանք է առաջադրվել՝ ՀՀ քրեական օրենսգրքի 179-րդ հոդվածի 2-րդ մասի 2-րդ կետի հատկանիշներով:
Նախաքննությունը շարունակվում է, միջոցներ են ձեռնարկվում՝ հափշտակություններին հնարավոր առնչություն ունեցած այլ անձանց ինքնությունը պարզելու եւ նրանցից յուրաքանչյուրի գործողություններին համապատասխան քրեաիրավական գնահատական տալու ուղղությամբ:
