Այսօր՝ մարտի 29-ին, ոստիկանության կազմակերպված հանցավորության դեմ պայքարի 6-րդ գլխավոր վարչության եւ Արարատի մարզային վարչության աշխատակիցներըոստիկանության Արարատի բաժին են բերման ենթարկել Արարատի մարզի Արբատ գյուղի 4-րդ փողոցի բնակիչ, 40-ամյա Սեւակ Մարտիրոսյանին:

Shamshyan.com-ի փոխանցմամբ, վերջինս կասկածվում է թմրանյութերի առքուվաճառքով զբաղվելու մեջ:

Կայքի տեղեկություններով՝ ոստիկանները հայտնաբերել են նաեւ թմրամիջոցների առքուվաճառքով զբաղվող հանցավոր եւս մեկ խումբ: Հայտնաբերվել է նաեւ մեծ քանակի թմրանյութեր:

Փաստի առթիվ ոստիկանության Արարատի մարզային վարչությունում նյութեր են նախապատրաստվում:

Հայտնաբերված թմրամիջոցները առգրավվել են եւ նշանակվել են մի շարք փորձաքննություններ: