նախընտրելի դարձնելԻսրայելի վարչապետ Բենիամին Նեթանյահուն հեռախոսազրույց է ունեցել ՌԴ նախագահ Վլադիմիր Պուտինի հետ: Զրույցը տեղի է ունեցել Իրանի գաղտնի ռազմամիջուկային ծրագրի վերաբերյալ բացահայտած փաստաթղթերի մասին Նեթանյահուի հայտարարությունից հետո, հաղորդում է «ՌԻԱ Նովոստին»:
«Այսօր երեկոյան վարչապետ Բենիամին Նեթանյահուն հեռախոսազրույց է ունեցել ՌԴ նախագահ Վլադիմիր Պուտինի հետ Իրանի գաղտնի ռազմամիջուկային ծրագրի վերաբերյալ բացահայտած փաստաթղթերի հրապարակումից հետո: Երկու ղեկավարները քննարկել են նաեւ Սիրիայի իրավիճակը եւ պայմանավորվել են որքան հնարավոր է շուտ հանդիպել», — նշվում է հաղորդագրության մեջ:
Զրույցի մասին Կրեմլի հաղորդագրության մեջ նշվում է.
«Վլադիմիր Պուտինը հաստատել է Ռուսասատանի դիրքորոշումը՝ միջազգային կայունության եւ անվտանգության ապահովման համար առաջնային նշանակություն ունեցող ծրագիրը պետք է պարտադիր կատարեն բոլոր կողմերը»:
Ավելի վաղ ուղիղ եթերում Նեթանյահուն նշել էր, որ Իսրայելի տնօրինության տակ է հայտնվել հսկայական արխիվ՝ մոտ 100 հազար թղթաղին եւ թվային փաստաթղթեր, որոնք ապացուցում են, որ Իրանի ատոմային ծրագրում «Ամադ» անվանումով գաղտնի ռազմական նախագիծ է եղել:
Իրանի հետ միջուկային գործարքը հիմնված է ստի եւ խաբեության վրա. Նեթանյահու
Իսրայելը կիսվել է ԱՄՆ-ի հետ Իրանի միջուկային նախագծի մասին բացահայտած տեղեկություններով. Նեթանհայու
