նախընտրելի դարձնել
Ֆրանսիական «Ազգային ճակատի» առաջնորդ Մարին Լը Պենը շնորհավորել է Իտալիայում իր քաղաքական դաշնակից Մատեո Սալվինիին եւ նրա «Լիգա» շարժմանը կոալիցիոն կառավարություն ձեւավորելու կապակցությամբ, փոխանցում է ՏԱՍՍ-ը:
Քաղաքական գործիչն այսօր Twitter-ի իր էջում նշել է, որ «Լիգայի» եւ ոչ համակարգային «5 աստղերի շարժման» մասնակցությամբ լիարժեք կառավարության ստեղծումը դարձել է ժողովրդավարության հաղթանակը:
«Բրավո, Մատեո Սալվինիի եւ «Լիգայի» կոալիցիային, որոնք վերջապես իտալական նոր կառավարությունն են ձեւավորում: Սա ժողովրդավարության համար հաղթանակ է ընդդեմ Եվրամիության ահաբեկումների եւ սպառնալիքների: Ոչ մի բան չի խանգարի ժողովուրդներին վերադառնալու պատմության բեմ»,- գրել է Լը Պենը:
Bravo à la coalition de @matteosalvinimi et à la Ligue qui forment finalement le nouveau gouvernement italien. C’est une victoire de la démocratie sur les intimidations et les menaces de l’Union européenne.
— Marine Le Pen (@MLP_officiel) 1 июня 2018 г.
Rien n’empêchera le retour des peuples sur la scène de l’Histoire ! MLP
Հինգշաբթի երեկոյան հայտարարվել է, որ իրավաբան Ջուզեպե Կոնտեն երկրի նախագահ Սերջո Մատարելայի հետ հանդիպման ժամանակ պաշտոնապես համաձայնվել է ղեկավարել Իտալիայի կառավարությունը:
