նախընտրելի դարձնել
Հայաստանի ԱԳՆ-ն այս պահին պարզում է, թե կա՞ն արդյոք հայեր եւ Հայաստանի քաղաքացիներ Մոսկվայի «Դոմոդեդովո» օդանավակայանի պայթյունից տուժածների ցանկում:
Այդ մասին NEWS.am-ի թղթակցի հետ զրույցում նշել է Հայաստանի արտաքին քաղաքական գերատեսչության մամուլի քարտուղար Տիգրան Բալայանը:
Ինչպես արդեն նշել է NEWS.am-ը, «Դոմոդեդովո» օդանավակայանի միջազգային տերմինալում հունվարի 24-ին, ժամը 16:40-ի սահմաններում պայթյուն է եղել, կան զոհեր:
Ականատեսի վկայությամբ, երկու վիրավորներին հանել են ուղեբեռի հանձնման գոտուց:
Նախնական տվյալներով, պայթուցիկ սարքը գործի է գցել մահապարտ-ահաբեկիչը:
Զոհերի թիվը հասել է 23-ի, , գրում է «ՌԻԱ Նովոստին»:
Նշենք, որ պայթյունի արդյունքում հետաձգվել են մի քանի միջազգային չվերթներ, որոնք պետք է առաջիկա ժամի ընթացքում ժամանեին օդանավակայան:
«Դոմոդեդովոյի» պաշտոնական կայքում հաղորդվում է, որ հետաձգվում են չվերթները Հայաստանից, Չինաստանից, Գերմանիայից, Թուրքիայից, Վիետնամից:
