նախընտրելի դարձնել
Ընթացիկ տարվա հունվար-օգոստոսին Արցախի Հանրապետությունում արձանագրվել է օձի խայթոցի 20 դեպք: Նախորդ տարվա նույն ժամանակահատվածում արձանագրվել է 34 դեպք:
Արցախի առողջապահության նախարարությունից NEWS.am-ին հայտնում են, որ տուժածներից 18-ին ներարկվել է հակաօձային շիճուկ ( անտիգյուրզին), իսկ մնացած 2-ի դեպքում բժշկական ցուցում չի եղել:
Արցախի Հանրապետությ ան բուժհիմնարկներ ն ապահովված են հակաօձային շիճուկով: Բնակչության բ ոլոր խմբերի համար օձի խայթոցի դեպքում անհրաժեշտ բուժօգնությունն իրականացվում է պետական պատվերի շրջանակներում:
ԱՀ առողջապահության նախարարությունը հորդորում է ազգաբնակչությանը եւ հատկապես երեխաներին զգուշանալ օձաշատ վայրերում չպաշտպանված ձեւով աշխատելուց կամ գտնվելուց, իսկ աշխատելիս կրել ռետինե ձեռնոցներ ու երկարաճիտ կոշիկներ:
Օձի խայթոցի դեպքում տուժածին պետք է անհապաղ տեղափոխել մոտակա բժշկական կազմակերպություն` գնահատելու վիճակը, ցուցաբերելու մասնագիտացված բուժօգնություն, որտեղ եւ անհրաժեշտության դեպքում կներարկվի օձի հակաթույն:
