Մենք տարբերվում ենք Երեւանի Ավագանու խորհրդի արտահերթ ընտրություններին մասնակցող մնացած քաղաքական ուժերից: Այս մասին սեպտեմբերի 14-ին լրագրողների հետ հանդիպման ժամանակ հայտարարեց Երեւանի քաղաքապետի թեկնածու, «Ժողովրդավարական ուղին» կուսակցության ղեկավար Մանուել Գասպարյանը:

Ըստ նրա, կետերից մեկը, մասնավորապես, շեշտում է 2008 թվականի մարտի 1-ի դեպքերի զոհերի հուշարձանի կառուցման անհրաժեշտությունը, իսկ զոհերի ընտանիքներին պետք է նյութական օգնություն  տրամադրել:

Պատասխանելով հարցին՝ արդյոք Հայաստանի գործող իշխանության հանդեպ վստահությունը չափազանց բարձր մակարդակում է եւ չի վախենում մյուս թեկնածու Հայկ Մարությանի հետ լուրջ մրցակցությունից, որին սատարում է անձամբ վարչապետ Նիկոլ Փաշինյանը, Գասպարյանը խոստովանեց, որ իշխանության նկատմամբ վստահությունն իսկապես շատ բարձր է:

«Մենք միանում ենք իշխանությունների հայտարարություններին, բոլոր երեւանցիներին կոչ ենք անում որեւէ կեղծիք թույլ չտալ: Եվ թող սա լինի Հայաստանի «թավշյա հեղափոխության» շարունակությունը», - ասաց Գասպարյանը:

Հիշեցնենք, որ մայրաքաղաքի ավագանու խորհրդի ընտրությունը տեղի կունենա սեպտեմբերի 23-ին: