նախընտրելի դարձնելՖրանսիացի շանսոնյե Շառլ Ազնավուրը մեծագույն երգիչ էր եւ աննման բանաստեղծ, նա թողել է անգերազանցելի երգացանկ: Այս մասին հայտարարել է Ֆրանսիայի «Ազգային միավորում» աջ կուսակցության առաջնորդ Մարին Լը Պենը, փոխանցում է «ՌԻԱ Նովոստի»-ն:
«Մեծագույն երգիչ եւ աննման բանաստեղծ, մեզ է թողել անգերազանցելի հարստության երգացանկ: Բոլոր ֆրանսիացիները ցավում են տաղանդի կորուստի համար»,- գրել է Լը Պենն Twitter-ի իր էջում:
Ազնավուրը մահացել է https://news.am/arm/news/473840.html երկուշաբթի գիշերը Ֆրանսիայի հարավի իր տանը: Երգիչը 94 տարեկան էր:
Ազնավուրը, որ ծնվել է ծագումով հայերի ընտանիքում, CNN-ի եւ Times ամսագրի վարկածով ճանաչվել է դարի լավագույն էստրադային երգիչ: Մաեստրոն 70-ամյա կարիերայի ընթացքում վաճառել է 100 մլն սկավառակ, գրել է 1,2 հազար երգ, ֆիլմերում խաղացել է 80 դեր, թողարկել է 294 ալբոմ եւ աշխարհի 94 երկրներում անցկացրել ավելի քան 1000 համերգ:
Un immense chanteur et un poète incomparable part, en nous laissant un répertoire d’une richesse inégalée. Tous les Français sont en deuil de son talent. MLP #CharlesAznavour pic.twitter.com/m06YLoekGs
— Marine Le Pen (@MLP_officiel) 1 октября 2018 г.
