նախընտրելի դարձնել
Հայաստանում կրոնի կամ դավանանքի ազատության օրենսդրական դաշտի հետ կապված խնդիրները, ինչպես նաեւ ոլորտում միջազգային փորձագետների կողմից տրամադրված իրավական կարծիքը կլինի ԵԱՀԿ նախաձեռնությամբ կազմակերպված քննարկման առանցքում, որը տեղի կունենա փետրվարի 17-ին Երեւանում:
«Գործընկերություն հանուն բաց հասարակության» եւ ՄԱԿ Հանրային տեղեկատվական վարչության երեւանյան գրասենյակի հետ համատեղ կազմակերպված միջոցառմանը կմասնակցնեն պետական կառույցների, քաղաքացիական հասարակության եւ կրոնական կազմակերպությունների, միջազգային հանրության ներկայացուցիչներ:
Մասնակիցները կքննարկեն Հայաստանում կրոնի կամ դավանանքի ազատության կարգավորման դաշտի ներկայիս իրավիճակը, խղճի ազատության եւ կրոնական կազմակերպությունների մասին օրենքում նաեւ հարակից օրենքների, վերջին փոփոխությունները, 2010 թ, Վենետիկի հանձնաժողովի եւ ԵԱՀԿ / ԺՀՄԻԳ միջանկյալ համատեղ եզրակացությունը որը անդրադառնում է միջազգային ստանդարտներին եւ համապատասխան ՄԻԵԴ նախադեպին:
ԵԱՀԿ երեւանյան գրասենյակի ղեկավար Դեսպան Սերգեյ Կապինոսը հանդես կգա բացման ելույթով: Միջոցառման բանախոսներն են ՀՀ արդարադատության նախարար Հրայր Թովմասյանը, ԵԽ հայաստանյան գրասենյակի ղեկավար Սիլվիա Զեհեն, ՄԱԿ ՀՏՎ ներկայացուցչի պաշտոնակատար Արմինե Հալաջյանը, «Գործընկերություն հանուն բաց հասարակության» անդամ Հայաստանի հելսինկյան կոմիտե ՀԿ-ի նախագահ Ավետիք Իշխանյանը:
