Ինդոնեզիայում ցունամիի հետեւանքով զոհերի թիվը հասել է 429-ի: Այս մասին երկուշաբթի հաղորդում է «Սինխուա» լրատվական գործակալությունը՝  հղում կատարելով բնական աղետների կանխարգելման ազգային գործակալության ներկայացուցիչ Սուտոպո Նուգրոխոյին:

Ավելի վաղ հաղորդվել էր 373 զոհի եւ 1459 վիրավորների մասին:

Դեկտեմբերի 23-ի գիշերը ուժեղ ցունամին  հարվածել էր Ինդոնեզիայի Ճավա եւ Սումատրա կղզիների ափամերձ տարածքներին:

Հաղորդվում է, որ ուժեղ ալիքը կարող էր առաջանալ վերջերս տեղի ունեցած Կրակատաու հրաբխի ժայթքման պատճառով: