նախընտրելի դարձնել
ՀՀ երկրորդ նախագահ Ռոբերտ Քոչարյանին կողմնակիցները նամակ փոխանցեցին Գերմանիայի դեսպանին:
Օգոստոսի 16-ին ակցիայի մասնակիցները Քոչարյանին աջակցող պաստառներով հավաքվել էին Գերմանիայի դեսպանատան մոտ: Նրանք իրենց մոտեցած դեսպանատան աշխատակիցներին հանձնեցին նամակ, որտեղ ներկայացված է իրավիճակը եւ պահանջները: Ակցիայի մասնակիցները նշեցին, որ դա բաց նամակ է եւխնդրեցին, որ պատասխանը հրապարակային լինի: Դեսպանատան աշխատակիցները վերցրեցին նամակը եւ խոստացան փոխանցել դեսպանին:
Ավելի վաղ օրերս նմանատիպ նամակ էր փոխանցվել ԵՄ պատվիրակության ղեկավար Պյոտր Սվիտալսկուն:
Ակցիայից հետո փաստաբան Վահե Եփրիկյանը նշեց, որ չի տեսել նման դատական գործընթաց, որ պաշտպանական կողմին խոսքի իրավունք չտան:
«Խայտառակ դատավորի խայտառակ որոշում: Մարդը կալանավորվել է նվազագույն ֆորմալ հիմքերի բացակայությամբ եւ նա բողոքարկելու հնարավորություն չունի, քանի որ չկա դատական գործընթաց: Դա կարող է յուրաքանչյուրին վերաբերել՝ «արդարադատություն» առանց իրավունքի, առանց օրենքի: Մենք կշարունակենք պայքարն ինչպես պետության ներսում, այնպպես էլ միջազգային ասպարեզում», - ասաց փաստաբանը:
Ակցիայի մասնակիցները վանկարկում են «Ազատություն նախագահ Քոչարյանին» եւ «Հաղթանակ»:
