նախընտրելի դարձնել
Չինաստանի ՏՏ վետերանները, այդ թվում` Huawei-ի եւ SMIC-ի նախկին ղեկավարները, նախատեսում են մինչեւ տարեվերջ գործարկել «ներքին փոխարինման» հիմնադրամը, որը կօգնի կառուցել Չինաստանի հաջորդ տեխնոլոգիական հսկային եւ աջակցել Վաշինգտոնի պատժամիջոցներից տուժած չինական ընկերություններին:
Վենչուրային կապիտալի China Europe Capital ընկերությունը փորձում է 5 մլրդ յուան (731.46 մլն դոլար) ներգրավել հիմնադրամի համար, որը ներդրումներ է կատարելու նորաստեղծ ընկերություններում, որոնք կենտրոնացած կլինեն կիսահաղորդիչների, 5G-ի եւ արհեստական ինտելեկտի տեխնոլոգիաների վրա, հայտնել է Huawei-ի նախկին փոխնախագահ Չժան Ցզյունը:
Հիմնադրամի գործարկումը տեղի է ունենում Չինաստանի տեխնոլոգիական հատվածում կառավարության կողմից աջակցվող ներդրումային բումի ֆոնին, երբ Պեկինը մրցում է Վաշինգտոնի հետ ավելի ու ավելի կատաղի դարձող տեխնոլոգիական պատերազմում:
«Չինաստանը եւ ԱՄՆ-ն այնպիսի մրցակցության մեջ են, որը կավարտվի միայն այն ժամանակ, երբ նոկաուտ տեղի ունենա»,- ասել է Չժաբ Ցզյունը Reuters-ին: «Խոսքը պարզապես առեւտրային պատերազմի կամ պատժամիջոցների մասին չէ: Դա կյանքի ու մահվան հարց է»:
DJI անօդաչու թռչող սարքերի արտադրող Huawei ընկերությունը եւ հսկման տեսախցիկների Hikvision ընկերությունը դասվում են Չինաստանի ընկերությունների աճող ցուցակում, որոնք թիրախավորվել են ԱՄՆ նախագահի վարչակազմի կողմից:
Վաշինգտոնը կարող է սեւ ցուցակում ներառել միկրոսխեմաների չինական խոշորագույն CHIC արտադրողին կամ կամ Semiconductor Manufacturing International Corp.-ին:
Չժանը հնարավորություններ է տեսնում ներկայիս ճգնաժամի մեջ` ակնկալելով, որ Չինաստանի եւ ԱՄՆ-ի անջատումը կխթանի ինքնաբավ ներքին տեխնոլոգիական ոլորտի զարգացումը, որը մի օր կարող է ապրել առանց ԱՄՆ գործող առաջատարների, ինչպիսիք են Qualcomm-ը եւ Intel-ը:
Սակայն վերլուծաբանների շրջանում թերահավատություն առ այն, թե որքանով կարող է Չինաստանը հաջողակ լինել, եթե կտրվի մատակարարման արեւմտյան շղթաներից` հաշվի առնելով, որ դեռ երկար ճանապարհ կա անցնելու տեխնոլոգիաներում ինքնաբավ դառնալու համար:
