Միլի Մեջլիսը հաստատել է Ադրբեջանի եւ Թուրքիայի միջեւ վիզաների մասին փաստաթուղթը: Այս մասին հայտնում է Haqqin.az-ը` վկայակոչելով Ադրբեջանի խորհրդարանի մամուլի ծառայությունը:

«Այսօր Միլի մեջլիսի գարնանային նստաշրջանի առաջին նիստին քննարկվել է« Թուրքիայի կառավարության եւ Ադրբեջանի կառավարության միջեւ թիվ 1 Արձանագրությունը` Բաքվում 2020 թվականի փետրվարի 25-ին ստորագրված վիզաներից փոխադարձ ազատման մասին համաձայնագրում փոփոխություններ կատարելու վերաբերյալ»: Փոփոխության համաձայն` անձնագրերի օգտագործումը պարտադիր է պայմանագրի կողմերի ներկայացուցիչների` երրորդ երկրների տարածքներից եւ երրորդ երկրներից կողմերի տարածքներ մուտք գործելիս: Համաձայնագրի 1-ին եւ 2-րդ հավելվածներում նշված սահմանային հատման վերաբերյալ մյուս փաստաթղթերն օգտագործվում են միայն մի կողմի տարածքից մյուսն ուղիղ ուղեւորությունների համար: Քննարկումներից հետո փաստաթուղթը դրվել է քվեարկության եւ ընդունվել է»,- հայտնում է աղբյուրը: