Հայաստանի դատական ​​համակարգի առջեւ ծառացած թիվ մեկ խնդիրը հանրապետությունում գործող բոլոր դատարանների գերծանրաբեռնվածությունն է: Այս մասին փետրվարի 9-ին Ազգային ժողովի նիստին Վճռաբեկ դատարանի նախագահի ընտրության հարցի քննարկման ժամանակ, պատասխանելով «Լուսավոր Հայաստան» կուսակցության պատգամավոր Սրբուհի Գրիգորյանի հարցին, ասաց այս պաշտոնի թեկնածու Լիլիթ Թադեւոսյանը:

Դատական ​​բարեփոխումը, ըստ թեկնածուի, բավականին երկար գործընթաց է: «Եվ ես չեմ պատկերացնում մի ժամանակ, երբ մենք կկարողանանք հանգիստ հայտարարել, որ դատական ​​բարեփոխումների անհրաժեշտություն այլեւս չկա»,- ասաց Թադևոսյանը:

Նա կրկին ընդգծեց, որ այսօր դատաիրավական համակարգի թիվ մեկ խնդիրը դատական ​​համակարգի եւ բոլոր դատական ​​ատյանների գերծանրաբեռնվածությունն է:

 

​