նախընտրելի դարձնելՔաղաքացիական հասարակության թուրքական խումբը կարծես հրաժարվում է Գազայի հատված հումանիտար տորմիղ ուղարկելու իր նախկին որոշումից` հայտարարելով, որ իրենց պլանները կարող են փոխվել հատկապես Սիրիայում իրադարձությունների զարգացումից: Այդ մասին գրում է թուրքական Hurriyet Daily News and Economic Review պարբերականը:
«Մենք վերանայում ենք մեր ծրագրերը: Չենք կարող աչք փակել մեր շեմին կատարվող իրադարձությունների վրա», – ասել է Հումանիտար օգնության հիմնադրամի (IHH) կառավարման անդամ եւ նոր նավատորմիղի ներկայացուցիչ Հյուսեին Օրուչը:
Ավելի վաղ խումբը հաստատապես որոշել էր հունիսի վերջին կրկին Գազայի հատված ուղարկել «Mavi Marmara» նավը, որի վրա անցած տարի թուրք-իսրայելական բախումների հետեւանքով 9 մարդ էր զոհվել:
«Որոշումը կկայացնենք մինչեւ շաբաթվա վերջ», –հայտարարել է Օրուչը:
Նախնական ծրագրի համաձայն` տարբեր երկրեների 22 նավ, այդ թվում` «Mavi Marmara»-ն, մինչ Գազա շարժվելը, պետք է հանդիպեին հունիսի 27-ին`Կիպրոսի հարավային մասից ոչ հեռու միջազգային ջերերում: Ըստ Օրուչի` նոր տորմիղի մասնակից միջազգային ակտիվիստները հանգստյան օերերին հանդիպելու են Աթենքում:
«Մենք քննարկելու ենք նոր պայմանները: Մեր կարծիքով` իրավիճակը հարեւան Սիրիայում ծայրահեղ կարեւոր է», -ասել է նա:
