նախընտրելի դարձնել
Ուրբաթ Մեքսիկայի իշխանությունները հայտարարել են, որ Գվատեմալայի հետ սահմանին հայտնաբերել են երեք բեռնատար կցորդիչներով, որտեղ գտնվել են միգրանտներ Կենտրոնական Ամերիկայից, ինչը վերջին ցուցիչն է, որ միգրանտներն անտեսում են Ամերիկայի կառավարության՝ տանը մնալու մասին կոչերը, հաղորդում է Reuters-ը:
Մեքսիկայի միգրացիոն գործակալներն Ազգային գվարդիայի ոստիկանության հետ մեկտեղ հայտարարել են, որ կանգնեցրել են բեռնատարները հինգշաբթի վաղ առավոտյան պլանային ստուգումների շրջանակում եւ հայտնաբերել դրանց մեջ 329 գվատեմալցի եւ հոնդուրասցի, այդ թվում՝ 114 անչափահաս առանց ուղեկցողի:
Միգրանտներին ապահովել են սննդով եւ ջրով: Առանց ուղեկցողի անչափահասներն ուղարկվել են կացարաններ, որոնք գտնվում են միգրացիոն իշխանությունների հսկողության ներքո, իսկ չափահասներին տեղափոխել են մոտակա գրասենյակներ վարչարարական գործընթացի համար, ասված է ՆԳՆ հայտարարության մեջ:
Դեպքը տեղի է ունեցել ԱՄՆ-Մեքսիկա սահմանին ուժգնացող հումանիտար ճգնաժամի նկատմամբ ԱՄՆ խստացված մոտեցման ֆոնին:
