նախընտրելի դարձնելՄԱԿ-ի Անվտանգության խորհուրդը հունիսի 17-ին պատժամիջոցների մասին երկու առանձին որոշում է ընդունել ահաբեկչական «Ալ Քաիդա» ցանցի եւ իսլամական «Թալիբան» միավորման դեմ:
Նախկինում երկու կազմակերպությունների համար մեկ որոշում էր գործում, գրում է Lenta.ru-ն:
Դիվանագետների խոսքով` ԱԽ-ի այս քայլը նշանակում է, որ կազմակերպությունն ընդունում է թալիբների եւ «Ալ-Քաիդայի» անդամների նպատակների տարբերությունը: «Թալիբանը» ավելի շատ կենտրոնացած է իր երկրում (Աֆղանստանի) ներքին պայքարի վրա, մինչդեռ «Ալ-Քաիդայի» նպատակը համաշխարհային մակարդակով ջիհադն է:
Հունիսի 17 -ին ընդունված թիվ 1988 բանաձեւն ուղղված է «Ալ-Քաիդայի» հետ առնչություն ունեցող անձանց եւ կազմակերպությունների, իսկ 1989 բանաձեւը`«Թալիբանի» հետ գործակցող ֆիզիկական եւ իրավաբանական անձանց դեմ:
Ներկայումս թալիբների հետ առնչություն ունեցողների «սեւ ցուցակում» 138, իսկ «Ալ-Քաիդայի» հետ կապ ունեցողների ցուցակում` 253 անուն կա:
ՄԱԿ-ում ԱՄՆ ներկայացուցիչ Սյուզան Ռայսի խոսքով` պատժաչափերի նոր ռեժիմը թալիբների կողմից պետք է ընկալվի որպես նշան այն բանի, որ իրենց «Ալ-Քաիդայից» զատելու պարագայում կարող են հուսալ որոշակի ներողամտության, իսկ «Ալ-Քաիդայի» դեպքում պտաժամիջոցներն առավել կոշտ են լինելու:
