նախընտրելի դարձնել
Սաուդյան Արաբիայի Երկրաբանական ծառայության հնագետների կատարած պեղումների ժամանակ Կարմիր ծովի ափին մոզազավրի քարացած մնացորդներ են հայտնաբերվել: Այս ծովային մողեսը, որը նաեւ կոչվում է «ծովային տիրանոզավր», կյանքի ընթացքում ունեցել է 18 մետր երկարություն եւ կշռել մոտ 14 տոննա։ Բացի այդ, գիտնականները պեղումների վայրում 80-45 միլիոն տարեկան տարբեր կենդանիների ոսկորների բեկորներ են հայտնաբերել, հայտնում է Express պորտալը։
Մոտ ժամանակներս գիտնականները հույս ունեն շարունակել աշխատանքներն այս տեղանքում՝ նոր արտեֆակտներ հայտնաբերելու համար: Սակայն, նույնիսկ նրանք, որոնք արդեն հայտնաբերվել են, թույլ են տվել հետազոտողներին նոր տեղեկություններ ստանալ պալեոգենի ժամանակաշրջանի ծովային կաթնասունների մասին, որոնք ապրում են Կարմիր ծովի ժամանակակից ափի տեղում:
«Կարմիր ծովի ափից կավճի ժամանակաշրջանի ողնաշարավորների բրածոները գլոբալ Տետյան օվկիանոսի համայնքների մի մասն են, որոնք գերակշռում էին մեզոզոյան դարաշրջանի երկրորդ կեսի մեծ մասում, այսինքն՝ մինչեւ կավճի մեծ անհետացումը: Արաբական թերակղզու բրածոների գտածոները շատ բան կավելացնեն միջազգային պալեոտվյալների բանկին»,- ասել է Երկրաբանական հետախուզական ծրագրի տնօրեն Աբդուլլահ Մեմեշը:
Բացի մոզազավրի բրածոներից, հնագետները հայտնաբերել են ծովային կովերի, կոկորդիլոսների եւ տարածաշրջանում երբեւէ հայտնաբերված ամենամեծ կրիաների կմախքի բեկորներ:
Աբդուլլահ Մեմեշը նշում է, որ Կարմիր ծովն այստեղ հայտնվել է ընդամենը 30 միլիոն տարի առաջ։ Մինչ այդ Արաբական թերակղզին Աֆրո-Արաբիա կոչվող ավելի մեծ մայրցամաքի մի մասն է եղել:
«Ուստի, Սաուդյան Արաբիայի արեւմտյան մասի մակերեսին մոտ կավճի եւ էոցենի նստվածքային շերտերում հայտնաբերված բրածոները պատկանում են կենդանիներին, որոնք ապրել են Տետյան օվկիանոսի ծանծաղ ջրերի հարավային եզրին»,- հավելել է գիտնականը:
