Շոյչիրո Տոյոդան, ով որպես Toyota-ի հիմնադրի որդի վերահսկում էր ընկերության ընդլայնումը միջազգային շուկաներում, մահացել է 97 տարեկան հասակում:

Տոյոդան, որը զբաղեցնում էր ընկերության պատվավոր նախագահի պաշտոնը, երեքշաբթի մահացել է սրտային անբավարարությունից, նշվում է Toyota Motor Corporation-ի հայտարարությունում։

Շոյչիրո Տոյոդան Կիիտիրո Տոյոդայի՝ ընկերության հիմնադրի ավագ որդին էր։ Ընկերությունը հիմնադրվել է  1937 թվականին։

1982 թվականին դառնալով Toyota-ի նախագահ, Շոյչիրո Տոյոդան նպաստեց, որպեսզի Toyota-ն դառնա համաշխարհային ավտոարտադրող, հատկապես ամերիկյան շուկայում, որտեղ նրա ապրանքանիշը դարձավ որակի, դիմացկունության, խնայողականության եւ ինժեներական կատարելության հոմանիշ:

Ընկերությունը որոշել էր դառնալ ԱՄՆ-ի ավտոմոբիլային համայնքի անդամ։

Իր եղբոր՝ Տացուրո Շոյչիրոյի հետ միասին Տոյոդան օգնեց Toyota-ին Հյուսիսային Ամերիկայում արտադրամասեր բացել։

Ընկերությունը 1983 թվականին համատեղ ձեռնարկություն  հիմնեց General Motors-ի հետ։