նախընտրելի դարձնել
Թուրքիայի ընդդիմության միասնական թեկնածուի շանսերը զրոյական են։ Այս մասին NEWS.am -ի թղթակցի հետ զրույցում ասաց Մերձավոր Արեւելքի ռուսական ինստիտուտի նախագահ Եվգենի Սատանովսկին։
Հիշեցնենք, որ Ժողովրդահանրապետական կուսակցության առաջնորդ Քեմալ Քըլըչդարօղլուն հայտարարվել է ընդդիմադիր Ժողովրդական դաշինքի միասնական թեկնածու` Թուրքիայում մայիսի 14-ին կայանալիք համընդհանուր ընտրություններում։ Քըլըչդարօղլուի անվան հրապարակմանը նախորդել է դաշինքի ներսում առաջացած հակամարտությունը։ «Լավ կուսակցության» առաջնորդ Մերալ Աքշեներն ասել է, որ դաշինքն այլեւս չի արտացոլում ժողովրդի իրական շահերը։ Հակամարտությունը ծագել է այն պատճառով, որ հինգ կուսակցություններ առաջարկել են Քըլըչդարօղլուի թեկնածությունը, իսկ «Լավ կուսակցություն»-ը մտադիր է քննարկել Ստամբուլի եւ Անկարայի քաղաքապետերի թեկնածությունները։
Սատանովսկին կարծում է, որ միասնական թեկնածուի շուրջ համաձայնության ավելի հիմար արդյունք չէր կարող լինել։
«Մենք պայմանավորվեցինք, որ նա (Քըլըչդարօղլուն - խմբ.) կունենա հինգ փոխնախագահներ՝ այն կուսակցություններից, որոնք ներկայացված են ընդդիմադիր դաշտում։ Սա հիմար մեխանիզմ է։ Ինչու՞ պետք է սպասել մինչեւ վերջ: Պարզվում է, որ ընդդիմադիր դաշտում կան մանր առեւտրականներ, եւ սովորաբար նման մարդկանց ձայն չեն տալիս։
Ընթացքում հիստերիա առաջացած՝ ընդդիմությունից դուրս գալու եւ այդ մասին հայտարարելու շուրջ։ Միասնական թեկնածու՝ Ստամբուլի եւ Անկարայի քաղաքապետերը, պարզվեց, որ պահեստային փոխնախագահներ են։ Այս ընդդիմության առաջնորդը նախ վիրավորեց բոլորին, հետո պայմանավորվեցին, որ այս երկու մարդիկ նույնպես փոխնախագահներ կլինեն։
Ինչպիսի՞ տեսք կունենա կառույցը, որտեղ երկիրը ղեկավարում է մի մարդ, որն ունի կամ հինգ կամ յոթ փոխնախագահ։ Փոխնախագահը մեկն է, ով կարող է փոխարինել նախագահին, եթե, ասենք, հիվանդանա։ Այս ամենը ցույց է տալիս ընտրողներին, որ այդ մանր, դատարկ ու անիմաստ առեւտրականներին չի կարելի ձայն տալ։
Այս դեպքում նրանք Էրդողանին հաղթանակ պարգեւեցին ոչ միայն նախագահական, այլեւ խորհրդարանական ընտրություններում», - նշել է արեւելագետը։
Նրա խոսքով, ընդդիմությունը ձախողել է բոլոր շանսերը. «Այժմ Թուրքիայում առաջին շարքի քաղաքական գործիչ կա՝ Էրդողանը, ով խոսում է գյուղի մեծերի հետ, այցելում է երկրաշարժից տուժած յուրաքանչյուր բնակավայր, դատում է անբարեխիղճ կապալառուներին։ Նա ակտիվություն է ցուցաբերում»։
Արամ Դանիելյան
