Մրցակցության պաշտպանության հանձնաժողովի նախագահ Գեղամ Գևորգյանը Հյուսիսային Մակեդոնիայի մրցակցային մարմնի ղեկավար Վլադիմիր Նաումովսկու  հրավերով աշխատանքային այցով մեկնել է  Սկոպիե:

ՄՊՀ-ից NEWS.am-ին հայտնում են, որ այցի շրջանակում երկու երկրների մրցակցային մարմինների միջև մրցակցության օրենսդրության կիրարկման և մրցակցային քաղաքականության ոլորտում համագործակցության մասին հուշագիր կստորագրվի:

Հանդիպման ընթացքում կքննարկվեն համագործակցության զարգացման երկուստեք հետաքրքրություն ներկայացնող հարցեր, կներկայացվի Հայաստանի մրցակցային մարմնի փորձը e-Compete թվային հարթակի ներդրման վերաբերյալ: