նախընտրելի դարձնել
Կալիֆորնիայի նահանգապետ Գևին Նյուսոմը շաբաթ արտակարգ դրություն է հայտարարել Հարավային Կալիֆորնիայի մեծ մասում, քանի որ նահանգը պատրաստվում է պատմական «Հիլարի» փոթորկին, որը, ինչպես սպասվում է, հորդառատ անձրևների և ջրհեղեղների պատճառ կարող է դառնալ, տեղեկացնում է CNN-ը:
Ըստ նահանգապետի գրասենյակի, ավելի քան 7500 զինվորական է արդեն տեղակայվել՝ «Հիլարի» փոթորկի հետևանքներից պաշտպանվելու համար:
«Այսօր նահանգապետ Գևին Նյուսոմը արտակարգ դրություն է հայտարարել Հարավային Կալիֆորնիայի մեծ մասում՝ աջակցելու «Հիլարի» փոթորկին արձագանքելու և վերականգնման ջանքերին, քանի որ նահանգը, այսօրվանից սկսած, շարունակում է մոբիլիզացնել և համակարգել ռեսուրսները փոթորկի կանխատեսվող հարձակումից առաջ»,- ասվում է հայտարարության մեջ:
Փոթորիկների ազգային կենտրոնի տվյալներով, փոթորիկը, որը կարող է հարավ-արևմուտք ավելի քան մեկ տարվա տեղումներ բերել շաբաթ երեկոյան Կալիֆորնիային մոտենալու ընթացքում 2-րդ կարգի փոթորկից թուլացել է 1-ին կարգի փոթորկի։ Կենտրոնի տվյալներով, փոթորկի ժամանակ քամու առավելագույն կայուն արագությունը 90 մղոն/ժ է:
Ակնկալվում է, որ «Հիլարին» կշարունակի թուլանալ, դեպի հյուսիս-հյուսիս-արևմուտք ավելի սառը ջրերով Հարավային Կալիֆորնիա շարժվելիս:
Հարավարևմուտքի բնակիչները պատրաստվում են «աղետալի և կյանքին սպառնացող ջրհեղեղի», քանի որ ակնկալվում է, որ համակարգը հարվածելու է տարածաշրջանին հազվագյուտ արևադարձային փոթորկի տեսքով, ընդ որւոմ ամենաուժեղ հետևանքները սպասվում են կիրակիից մինչև երկուշաբթի:
