նախընտրելի դարձնել
Առնվազն 18 մարդ է զոհվել Պակիստանի արևելյան Փենջաբ նահանգում ավտոբուսի վթարի և հրդեհի հետևանքով, հայտնում է Reuters-ը՝ վկայակոչելով տեղի իշխանություններին։
Վաղ առավոտյան ավտոբուսը, որ հարավային Կարաչի նավահանգստային քաղաքից մայրաքաղաք Իսլամաբադ էր տեղափոխում 33 ուղևորի, բախվել է բեռնատար մեքենայի։
Ավտոբուսն ու բեռնատարն անմիջապես բռնկվել են, ինչի հետևանքով 18 մարդ, այդ թվում՝ փոքր բեռնատարի վարորդը, տեղում մահացել են, հայտնել է Փենջաբի Հաֆիզաբադ շրջանի ոստիկանապետ Ֆահադ Ահմադը։
Նա տեղեկացրել է, որ ևս 16 մարդ ծանր վնասվածքներով տեղափոխվել է հիվանդանոց։
Մահվան ելքով ճանապարհատրանսպորտային պատահարները սովորական են Պակիստանում, որտեղ երթևեկության կանոններին հազվադեպ են հետևում, իսկ բազմաթիվ գյուղական վայրերում ճանապարհները վատ վիճակում են:
