նախընտրելի դարձնել
Հայաստանում հաշմանդամություն ունեցող բոլոր անձինք կկարողանան պետպատվերով դեղեր ստանալ 100 տոկոս փոխհատուցմամբ ։ Այս մասին սեպտեմբերի 13-ին Ազգային ժողովի նիստում հայտարարեց առողջապահության նախարար Անահիտ Ավանեսյանը՝ պատասխանելով պատգամավորների հարցերին։
Նախարարի խոսքով՝ երկրում 100 տոկոս փոխհատուցում ստացել են միայն 1-ին եւ 2-րդ խմբի հաշմանդամները, իսկ 3-րդ խմբի հաշմանդամները ստացել են 30-50% փոխհատուցում:
«Սակայն, օրենսդրության նոր խմբագրության համաձայն, երրորդ խմբի հաշմանդամները նույնպես կստանան 100 տոկոս փոխհատուցում։ Փոփոխությունները ուժի մեջ կմտնեն առաջիկայում»,-ասաց նախարարը։
Այդ արտոնություններից կարող են օգտվել նաեւ նրանք, ովքեր դեռ գտնվում են հաշմանդամության նախկին խմբում, եւ նրանք, ովքեր տեղափոխվել են նոր խումբ։
Բացի այդ, կընդլայնվի նաեւ պետպատվերով հասանելի դեղերի ցանկը՝ 420-ից հասնելով ավելի քան 560-ի։
