նախընտրելի դարձնել
Ուկրաինայի նախագահ Վլադիմիր Զելենսկին սեպտեմբերի 21-ին ելույթ կունենա ԱՄՆ Կոնգրեսում սենատորների առաջ։ Այս մասին հայտնում է CNN-ը՝ հղում անելով Կոնգրեսի ապարատի ներկայացուցչին։
Նշվում է, որ նրա ելույթը երկու պալատների համատեղ նիստում, ինչպես եղել է անցյալ տարվա դեկտեմբերին, նախատեսված չէ։
Ավելի վաղ հայտնի էր դարձել, որ Զելենսկու փոխարեն ՄԱԿ-ի Գլխավոր ասամբլեայում կարող է ելույթ ունենալ Ուկրաինայի արտաքին գործերի նախարար Դմիտրի Կուլեբան։
Նշվել է նաև, որ ԱՄՆ նախագահ Ջո Բայդենի մասնակցությունն այս պահի դրությամբ դեռ հաստատված չէ։ Ընդ որում, նման մակարդակի հանդիպումներին սովորաբար ելույթ են ունենում արտաքին քաղաքականության գերատեսչությունների ղեկավարները, և ոչ թե նախագահները, նույնիսկ եթե ներկա են լինում։
