Չարլզ թագավորը եռօրյա պետական այցով ժամանել է Ֆրանսիա։ Թագավորին եւ նրա կնոջը՝ Կամիլային, դիմավորել է Ֆրանսիայի վարչապետ Էլիզաբեթ Բորնը։ Այնուհետեւ նրանք գնացել են հանդիսավոր արարողության՝ Հաղթական կամարի մոտ, որտեղ երկու երկրների ռազմաօդային ուժերը թռիչք են կատարել։

Ուղեւորության կարեւորագույն իրադարձությունը կլինի չորեքշաբթի օրը Վերսալյան պալատում պետական ընթրիքը։

Խնջույքին հրավիրված են ավելի քան 150 հյուրեր, այդ թվում ՝ բրիտանացի դերասան Հյու Գրանտը, ռոք աստղ Միք Ջագերը, «Արսենալի» նախկին ֆուտբոլային մարզիչ Արսեն Վենգերը, ֆրանսիական ֆուտբոլի աստղ Դիդյե Դրոգբան, ինչպես նաեւ ֆրանսիացի միլիարդատեր Բեռնար Առնոն:

Այնուհետեւ ուրբաթ թագավորական զույգը կմեկնի Բորդո։

Ըստ պաշտոնյաների՝ թագավորը, ով տիրապետում է ֆրանսերենին, ինչպես իր մայրը՝ հանգուցյալ Եղիսաբեթ թագուհին, ձգտում է գնալ նրա հետքերով, եւ ուղեւորությունը նաեւ հնարավորություն է տալիս վերականգնել կապերը, որոնք խարխլվել են ԵՄ-ից Մեծ Բրիտանիայի քաոսային ելքից հետո։