նախընտրելի դարձնել«ԱՐՏԻԿԼ 19» կազմակերպությունը հրապարակել է զեկույց՝ Ադրբեջանի կողմից տեղեկատվության ազատության օրենքի կատարման վերաբերյալ: Զեկույցում եզրակացություն է արվում, որ Ադրբեջանի կառավարությունը պետք է կտրուկ գործողություններ կատարի, որ այդ օրենքն իսկապես սկսի գործել:
Զեկույցում ասված է, ոչ "համաձայն հետազոտությունների, որ իրականացվել են ադրբեջանական լրագրողների «Ենի Եսիլ» միության հետ, Ադրբեջանում հազվադեպ են դեպքեր գրանցվել, երբ օրենքը հարգվել է: Դրա փոխարեն արձանագրվել են ժամկետների խախտումներ, իսկ պետական իշխանության մարմինները պարբերաբար խախտում են օրենքով նախատեսված ընթացակարգային իրավունքը: Տեղեկատվության տրամադրման մեխանիզմները նույնպես համարժեք չեն, բացակայում են համապատասխան գրասենյակներն ու նախարարությունը, որ պիտի ապահովեին հանրային տեղեկատվության տրամադրումը:
Նաեւ արձանագրվել է, որ երկրի պետական կառույցներում գաղտնիության սկզբունքն է իրացվում: Եւ դա խորանում է քաղաքացիական հասարակության մեջ տեղեկատվության ազատության կարեւորությունը գիտակցելու հանգամանքի բացակայության պայմաններում:
«Ադրբեջանում խնդիրներ կան օրենսդրության կատարման հետ»,- ասում է «Ենի Եսիլ»-ի նախագահ Արիֆ Ալիեւը. «Բացի այդ, լրացուցիչ խոչընդոտ կա գիտակցության որոշակի կերտվածքի պատճառով: Կստանաս տեղեկատվությունը, թե ոչ, ամբողջությամբ կախված է վերադաս ատյանից»:
«ԱՐՏԻԿԼ 19»-ը Ադրբեջանի իշխանություններին կոչ է անում անհրաժեշտ քայլեր ձեռնարկել՝ երկրում տեղեկատվության ազատությունն ապահովելու համար: Դա առավելագույն հասանելիությունն է տեղեկատվությանը, ինֆորմացիոն կառավարման արդյունավետ համակարգը, եւ ժողովրդավարական ճանապարհով տեղեկատվության հարցերի օմբուդսմենի նշանակումը:
