նախընտրելի դարձնել
Դոնալդ Թրամփը, շաբաթ օրը ելույթ ունենալով հանրապետական հրեական համագումարում, խոստացել է նորից նախագահ դառնալու դեպքում վերականգնել ուղևորության վիճահարույց արգելքը, որն ուղղված էր հիմնականում մուսուլմանական մի շարք երկրների դեմ: Այս մասին գրում է The Times Of Israel-ը։
«Մենք արմատական իսլամական ահաբեկիչներին հեռու կպահենք մեր երկրից», - ասել է Թրամփը հանրապետական հրեական կոալիցիայի ամենամյա գագաթնաժողովի մասնակիցներին:
«Հիշու՞մ եք մեկնելու արգելքը։ Հենց առաջին օրը ես կվերականգնեմ ուղևորության մեր արգելքը»,- ասել է նա, տեղեկացնում է Cursorinfo-ն։
2017-ին՝ իր նախագահության սկզբում, Թրամփը խիստ սահմանափակումներ էր մտցրել Իրանից, Լիբիայից, Սոմալիից, Սիրիայից, Եմենից և, սկզբում, Իրաքից և Սուդանից ժամանումների վրա։ ԱՄՆ նախագահ Ջո Բայդենը 2021 թվականին պաշտոնավարման առաջին շաբաթվա ընթացքում հանեց այդ արգելքը։
Թրամփը Լաս Վեգասում կայացած միջոցառման ժամանակ ասել է, որ «ինչպես երբեք նախկինում կպաշտպանի բարեկամ և դաշնակից Իսրայել պետությանը»։
Նա կրկնել է, որ Իրանը «պատասխանատու է» այս պատերազմի համար, և մարդիկ չեն ցանկանում խոսել դրա մասին։
