Ռուսաստանի Ռոստովի մարզում երաշտի պատճառով բարձր պատրաստության ռեժիմ է մտցվել։ Դրա մասին իր թելեգրամյան ալիքում հայտնել է նահանգապետ Վասիլի Գոլուբևը։

Նա հիշեցրել է, որ ամռան առաջին օրերի հետ շոգը խուժեց Ռոստովի մարզ: Մինչ ֆերմերները կհասցնեին հաշվարկել մայիսյան ցրտահարությունների պատճառով կորուստները, առաջացել է նոր վտանգ՝ հողի երաշտ, որը կարող է բերքի ոչնչացման հանգեցնել։

Հողային երաշտի ազդեցության հետևանքով առաջացած բնական արտակարգ վտանգի պատճառով հունիսի 4-ին 12:00-ից Ռոստովի մարզի բոլոր քաղաքներում և շրջաններում մտցնում ենք բարձր պատրաստության ռեժիմ։

Գոլուբևը հանձնարարել է կազմակերպել գյուղատնտեսության իրավիճակի զարգացման ամենօրյա մշտադիտարկում, գյուղատնտեսական մշակաբույսերի հնարավոր մահանալու դեպքում կարգավորել ցանքատարածությունների կառուցվածքը։