Աթենքի իշխանությունները չորեքշաբթի հայտարարել են, որ բազմաթիվ դպրոցների փակման հանգեցրած ջերմային ալիքի պատճառով հինգ ժամով փակում են Ակրոպոլիսը:

Հունաստանի մայրաքաղաքի պատմական վայրը, որն անցյալ տարի այցելել է գրեթե 4 միլիոն մարդ, փակվել է կեսօրից մինչև երեկոյան ժամը 5-ը, քանի որ ջերմաստիճանը սահմանվել է 39 աստիճան ըստ Ցելսիուսի (102 աստիճան ըստ Ֆարենհայթի):

Հունաստանի հարավային և կենտրոնական շրջաններում, որտեղ ամենաբարձր ջերմաստիճանն է գրանցվել, միաժամանակ չեղյալ են հայտարարվել դասերը տարրական դպրոցներում և նախադպրոցական հաստատություններում:

Իրավիճակը սրվել է մայրաքաղաքից հյուսիս ընկած հատվածում, երբ սպասք և սննդի բեռնարկղիկներ արտադրող գործարանում բռնկված հրդեհից հետո երկինք են արձակվել թանձր սև ծխի սյուներ: Կառավարության աղետների կառավարման գործակալությունը տարածքի բնակիչներին հորդորել է տնից դուրս չգալ:

Աթենքում քաղաքային իշխանությունները հայտարարել են, որ չորեքշաբթի աղբահանությունը ևս դադարեցվելու է մի քանի ժամով, և որ օդափոարկիչներով օդափոխվող յոթ վայրերը հանրության համար բաց կլինեն: Պաշտոնյաները հայտնել են, որ հանրային առողջության միջոցառումները համակարգելու համար Աթենքում ջերմային պատկերման տեսախցիկներով հագեցած անօդաչու սարքեր են կիրառվում։

Ուրբաթ երեկոյան սպասվում է առավել զով եղանակ։