Առնվազն վեց մարդ է զոհվել Մեքսիկայի Տաբասկո նահանգի անօրինական բարում տեղի ունեցած հարձակման հետևանքով։ Այս մասին հայտնում է Milenio-ն։

Միջադեպը տեղի է ունեցել հինգշաբթի կեսօրին Մակուսպենի մունիցիպալիտետի Սան Կառլոս քաղաքում։ Մի խումբ զինված անձինք ներխուժել են ապօրինի բարերից մեկը և հարձակվել այնտեղ ալկոհոլային խմիչքներ խմող հաճախորդների վրա։

Հաղորդվում է, որ հարձակվողներն օգտագործել են շեղբերով զենքեր։ Սպանվել է վեց մարդ, որոնցից երկուսին գլխատել են։ Եվս մի քանի մարդ վիրավորվել է։

Հրատարակությունը հիշեցրել է, որ անցած շաբաթ նույն քաղաքում՝ մանկապարտեզի դիմաց, սպիտակ սավաններով փաթաթված երեք անգլուխ դի է հայտնաբերվել։