նախընտրելի դարձնել
Լատվիան, որը գլխավորում է «դրոնների կոալիցիան» Մեծ Բրիտանիայի հետ համատեղ, պատրաստում է անօդաչուների երկրորդ խմբաքանակը՝ գնված Ուկրաինայի աջակցման ազգային ջանքերի շրջանակում։ Այս մասին «Армия Inform»-ի հարցազրույցում ասել է Լատվիայի պաշտպանության նախարար Անդրիս Սպրուդսը։
Բրյուսելում ՆԱՏՕ պաշտպանության նախարարների հանդիպման շրջանակում նախարարը նշել է, որ Լատվիան արդեն կազմակերպել է դրոնների խմբաքանակը, եւ դրանք արդեն ուղարկել է Ուկրաինա։
«Հիմա մենք արդեն հավաքում ենք երկրորդ խմբաքանակը, որը շուտով պետք է ուղարկվի Ուկրաինա»,- ասել է նա։
Միեւնույն ժամանակ, նախարարի խոսքով, Լատվիան արդեն սկսել է իրականացնել համատեղ միջազգային գնումներ։
«Մենք իսկապես հսկայական հետաքրքրություն ենք տեսնում։ Սա առայժմ համեստ գումար է, 350 հազար եվրո, բայց դա առաջին քայլն է։ Կարեւոր է նաեւ, որպեսզի տարբեր միջազգային ընկերություններ շահագրգռված լինեն այս ծրագրով։ Ուստի միաժամանակ տեղի են ունենում միջոցառումներ ազգային, միջազգային մակարդակներով, ինչպես նաեւ երկկողմ մակարդակով Ուկրաինայի հետ»,- նշել է Լատվիայի պաշտպանության նախարարը։
Նա նշել է, որ Լատվիան հայտարարել է այս տարի 20 մլն եվրո ներդնելու պարտավորության մասին «դրոնների կոալիցիայի» շրջանակում։
