Եվրոպայի Խորհրդի գլխավոր քարտուղար Տյորնբյորն Յագլանդը ողջունել է հայ-թուրքական մերձեցումը՝ հույս հայտնելով, թե դա հնարավորություն կտա լուծել ղարաբաղյան հակամարտությունը: Հանդես գալով Կոմիտեում՝ Սլովենիայից Շվեյցարիային նախագահությունը հանձնելու արարողությունից հետո կազմակերպված ասուլիսում Յագլանդը նկատել է, որ եթե Թուրքիան եւ Հայաստանը կարիք ունեն Եվրոպայի Խորհրդի աջակցությանը, իրենք պատրաստ են օգնել. «Դեռ մեզ չեն դիմել այդ հարցով: Երկու երկրներն էլ Եվրոպայի Խորհրդի անդամներ են, եւ այդ փաստն ինքն իրենով շատ կարեւոր է ե՛ւ այդ երկրների ե՛ւ իմ նշած գործընթացի համար»,- ըստ ադրբեջանական «APA» գործակալության՝ ասել է Յագլանդը։