ՆախընտրելիԹուրքիայի վարչապետ Ռեջեփ Թայիփ Էրդողանը նոյեմբերի 22-ին հեռախոսազրույց է ունեցել Մեծ Բրիտանիայի վարչապետ Գորդոն Բրաունի հետ։ Թուրքական Turkyurdu կայքէջի փոխանցմամբ՝ Էրդողան-Բրաուն հեռախոսազրույցը տեղի է ունեցել բրիտանական կողմի նախաձեռնությամբ։ Հեռախոսազրույցի ընթացքում քննարկվել են Եվրամիության նախագահի ընտրությունների, Եվրամիություն-Թուրքիա հարաբերությունների եւ Կիպրոսի խնդրի հետ կապված մանրամասներ։
NEWS.am-ը հիշեցնում է, որ նոյեմբերի 19-ին՝ Եվրամիության նախագահ է ընտրվել Բելգիայի վարչապետ՝ Հերման Վան Ռոմպեյը։ Վերջինս հայտնի է իր խիստ կեցվածքով՝ Թուրքիայի ԵՄ-ի անդամակցության հետ կապված։
Մի քանի տարի առաջ նա դեմ է հանդես եկել Թուրքիայի ԵՄ անդամակցությանը, դա բացատրելով նրանով, որ Թուրքիայի անդամակցությամբ խախտվում է Եվրոպայի քրիստոնեական ժառանգությունը: Վան Ռոմպեյի ԵՄ նախագահ ընտրվելու փաստը անհագստացրել է Անկարային։ Եւ Թուրքիան փորձում է երաշխիքներ ստանալ, որ ԵՄ անդամակցության բանակցությունները կշարունակվեն։
