Այս ամսվա սկզբին Հնդկաստանում Tejas կործանիչ է կործանվել, օդաչուն հաջողությամբ կատապուլտվել է, տեղեկացնում է India Today-ը:

Սա առիթ է դարձել քննության և ողջ ավիապարկի լայնածավալ տեխնիկական ստուգումների համար:

Միջադեպը տեղի է ունեցել առանցքային ավիաբազայի օպերատիվ գոտում, երբ կործանիչը վայրէջք էր կատարում պլանային ուսումնական թռիչքից հետո: Նախնական գնահատականը մատնանշում է ենթադրյալ տեխնիկական անսարքությունը, որը հնարավոր է՝ կապված լինի ինքնաթիռի համակարգերի խափանման հետ:

Սա Հնդկաստանի ռազմաօդային ուժերի սպառազինության մեջ ընդունվելուց ի վեր կորսված արդեն երրորդ Tejas ինքնաթիռն է: